نعم لمحمد مرسي . . لا لشفيق . . وحال صلاة الجمعة في مصر إذا أصبح شفيق رئيساً لا قدر الله

نعم لمحمد مرسي .. لا لشفيق . . وحال صلاة الجمعة في مصر إذا أصبح شفيق رئيساً لا قدر الله

نشر ياسر السري مدير المرصد الإعلامي الإسلامي على صفحته في الفيس بوك وناشد إعادة النشر والتوزيع وقام المئات بعمل مشاركة  للرابط ، وطرح الشبهات والرد عليها وحث على انتخاب د . محمد مرسي .
كما تم نشر رابط فيديو يوضح حال صلاة الجمعة فى مصر لو شفيق بقى الرئيس لا قدر الله .

رسالة ورجاء التعميم بإعادة النشر والتوزيع
اللي شايف إن مرسي أسوأ من شفيق أحب أقوله:

1- لو شايف إن الإخوان حيعملو حزب وطنى جديد متروحش تجيب الحزب الوطنى نفسه

2- لو شايف إن الإخوان مش حيسيبوا الحكم بعد 4 سنين لو مسك مرسى متروحش تجيب اللى معاه الشرطة والجيش والإعلام ومش حتقدر تمشيه ولا بعد 100 سنة

3- لو شايف الإخوان باعوا دم الشهدا متروحش تجيب اللى قتلو الشهدا

4- لو شايف الإخوان مش حيقدروا يحلوا الازمات اللى بتقع فيها البلد زى الأمن والبنزين والغاز متروحش تجيب اللى بيخلق الأزمات

5- لو شايف إن الإخوان طماعين وعايزين يكوشوا على كل حاجة فى البلد متروحش تجيب اللى أصلا مكوشين على كل خيرات البلد

6- لو شايف الإخوان تجار دين متروحش تجيب تجار دم وعرض

7- لو شايف الإخوان بيرجعوا فى كلامهم متروحش تجيب اللى مش معبرك ومش بيدّيك كلمة أصلا

8- لو شايف الإخوان خانوا الثورة متروحش تجيب اللى مش معترف بيها

9- لو شايف الإخوان ولاءهم للمرشد متروحش تجيب اللى ولاؤه لنظام مبارك وأمريكا وإسرائيل

10- لو شايف إن الإخوان ركبوا الثورة متروحش تجيب اللى خلّصوا عليها

11- لو شايف إن الإخوان ضيّعونا بنعم للتعديلات الدستورية متروحش تجيب اللى عملوا التعديلات وفرّقونا

12- لو شايف الاخوان بيكسبو بالزيت والسكر متروحش تجيب اللى بيكسب بالتزوير واصوات الميتين والبلطجية

13- لو شايف الاخوان بيضحكوا علينا بمشروع النهضة متروحش تجيب اللى معندوش مشروع اصلا

14- لو شايف إن الإخوان نزّلوا استبن الشاطر متروحش تجيب استبن مبارك

15- لو شايف ان الإخوان هيلبسوا الستات طرح والرجالة جلاليب متروحش تجيب اللى مش هيليبسك حاجة خالص وهيلبسنا كلنا الطرح

16- لو شايف الاخوان حيعملوا ختان للبنات متروحش تجيب اللى حيكشفوا عذريتها ويتحرشوا بيها

17- لو شايف الإخوان حيطبقوا الدين والشريعة على مزاجهم متروحش تجيب اللى مش باقى على دين وهيشيل القرآن من منهج العربي أو يضيف ليه فقرات الكتاب المقدس اللي عمر ما عد سبقه مهما كان فجره و قلة دينه عملها

18- لو شايف الاخوان نزّلوا مرسى وهوا معندوش كاريزما متروحش تجيب واحد ديكتاتور

19- لو شايف الاخوان معملوش حاجة فى محاكمة مبارك ونظامه متروحش تجيب اللى حيطلعهم براءة

20- لو شايف الاخوان كاذبون متروحش تجيب حرامية ونصابون وكذابين وبلطجيه

21- لوشايف الاخوان حيلغوا كامب ديفيد ويدخلونا فى حرب مع اسرائيل متروحش تجيب اللى بيقول على اليهود مش أعداءنا

22- لو شايف ان الإخوان حيخلونا زى إيران أو أفغانستان متروحش تجيب اللى حيخلينا زى الصومال

من الأخر مينفعش تقارن :

بين (شفيق) رئيس وزراء موقعة الجمل واللى قال للأسف الثورة نجحت وبين (مرسى) اللى شارك فى الثورة واعتقل يوم 28 يناير!!

مهما كان خلافك مع الإخوان أو مع الإسلاميين——> ده مش معناه إنك تنتحر وتنتخب شفيق وتضيع البلد كلها لأجيال وأجيال عشان تغيظهم أو مش واثق فيهم أو واحد شفيقى له مصلحه يخليك تدى شفيق أو تبطل صوتك

بينك وبين الإخوان خلاف منهجي أو سياسي أو …. أو ….——-> في النهاية هو خلاف
لكن بينك وبين شفيق دم إخواتك اللي ماتوا، بينك وبينه أجيال نفسها تشوف مصر الحرة..مصر القوية..مصر بتاعتنا مش بتاعتهم،أجيال نفسها تعيش الحرية، بينك وبينه ثورة ضحى عشانها الشعب وبأيدك ممكن تضيعها
بينك وبين الإخوان خلاف منهجي أو سياسي أو …. أو ….——-> في النهاية هو خلاف
خلليك واقعي .. فكر بعقلك….. واعمل الصح
أخوكم ياسر السري

عن Admin

اترك تعليقاً