السبت , 21 يناير 2017
خبر عاجل
أنت هنا: الرئيسية » أراء و أقلام » قصيدة أحمد فؤاد نجم ضد مذابح مصر وضد الجيش
قصيدة أحمد فؤاد نجم ضد مذابح مصر وضد الجيش

قصيدة أحمد فؤاد نجم ضد مذابح مصر وضد الجيش

nigm قصيدة أحمد فؤاد نجم ضد مذابح مصر وضد الجيش

السـيـسي عَـمَلها

أحمد فؤاد نجم

*

السيسي عَـمَلها يا رِجّالـَهْ

وأثـبـتْ إنـُّه رمزِ نـذاله

معقول فـيه جيش كُلـُّه سَـفاله؟!

قُـوّادُه بالفِـعـلِ حُـثالــَه؟!

*^*

والله عـَمَلها السيـسي الكلبْ

والله أهـو أعـلـنـْها حـربْ

عايـز يدوس على راس الشعبْ

علشان  يـِفـَـرعِـنْ  ويـبقى رَبْ

*^*

السـيـسي عـايـز يـتـْألّـهْ

زيِّ مُـبارَكْ مَ تـْألـَّـهْ

لكن زمانْ ولـّى يا أبـْلـَهْ

ما عِـنـدُكُـمْ دينْ ولا مِـلـّهْ

*^*

يا مصر يا أرض الأمانْ

مفيش للسيسي فيكي مكان

ولا لعـمـيل مثـله وجَـبان

من يومُهْ صهيوني وخَوّان

*^*

ومهما جـيـشـنا و”الإنـقاذْ”

بيلاقوا بإسرائـيلِ مـلاذ

الشعـب أقـوى يا أسـتاذ

هوَّ العواصف وهُـمَّ رذاذ

*^*

يا جـيـش يا خايـب كُلك عـارْ

قـتـلـتْ آلاف الثوار

هجمت على شعبك بالنار

خـدام لصهيون وغـدّار

*

يا جـيش نسيت تحرير سينا

ونسيت معاهـده بـتخـزينا

وبدال مَ تحمي أراضيـنا

نزلت تـِدبـَح أهالـيـنا

*

يا جيش نسيت إنك منـّا

وسلاحك ده ملك إيـديـنا

واحنا معاك دوم بقـلوبـْنا

ونازل تـقَـتــَّل بـشعـبـنا

*

يا جـيش بيكـفي منك خِزيْ

عارك كبير… إحتِرم الزِّيْ

وبدل مَ تـُضرُب إبنِ وخـَيْ

إفتح نيرانك ع السـيـسِيْ

*

إفتح نيرانك ع الظالمْ

الله عليك شاهِـد وعالـِم

الشعب نصره أكـيـد قادِم

والسيسي حَـتمي حَيتحاكِمْ

*

يا جيش قـتـَل نِسوان وعيالْ

مصر ما شَفِـتشِ كِـدَه أجيالْ

إجرام وصهيـوني وضلال

لا فيه إسلام ولا حتى هِلال

*

هجموا علينا بـعـدويّه

عسكر مريضه وهـمجـيّه

قتلوا البنات قـتلوا الصبـيَه

ما بطـّلوش قـتل لثانـيـهْ

*

هجموا علينا بالنـّهـضه

جـنـود إسلام  ومرتـدّه

عن المسيحـية مُنـفَـضّهْ

وجـوه ذمـيـمه ومِـسوَدَّه

*

هجموا علينا بأنحاء مصر

فتحوا النيران من صُبحِ لعَـصْرْ

بالدبابات جُـمْ  وهِلوكَـبـتـَـر

وأشلاء ضحايا بتِـتـْبعـتـَـر

*

إحنا لا يمكن حَـنـْسَلـِّمْ

ولو أبـَدتـونا يا فـَـنـدِم

أرواحنا عَ كفـوفـنا نقـدِّم

فِـداء لمصر ومَ نِـتـكـلـِّم

*

وانتم  بجـَبهِة  “التدمير”

يا معدومين عـقـل وضمير

ما فـيش يُوحَّد بينكم غـير

كُرهِ  للإسلام،  لا غـير

*

مَـتِخـتِـشوش تِـفـرحوا للموتْ؟!

وتصفـّقوا وأطفال بتموت؟!

دنا مش لاقـيلـكم أيِّ نعـوتْ

ومتستهلوش غـير ضربِ وموتْ

*

الكارثـَه دي ليـهـا فـوائـِد

دا انتوا اتعـرفـتـُم بالـواحِـد

وعرَفـنا مين فـيكُم قائـِد

وعَرفـنا مين عـنده بساعِـد

*

السيسي دا أهـبل وغـشيـم

ما يعرفش إنه الشعبِ عظيم

ومهـما كان مُجـرم ولـئـيـمْ

الشعـب يسحـق كل غـريـم

*

اليوم قـتـلـتـوا وشبعـتـوا

لبـكره تاركـيـنكُم إنـتـو

علشان تلاقوا مِنّا جزاءكو

للشعبِ يقـرر في مصيركو

مصيركو أسوَد يا خـيبـيتكو

يملا الفضا من مشانـقـكو

 

عن Admin

7 تعليقات

  1. مش هو ده اللى مضى 16 استمارة حسبى الله ونعم الوكيل

  2. السيسي خاين لشعب مصر

    السيسي خاين لشعب مصر
    عمال بيقتل ويقول دا نصر
    شغال بيحرق أحياء وقصر
    والبلطجي بن ابراهيم
    ضحك علينا بن اللئيم
    وقلّنا هيكون كريم
    هيفضّها من غير قتيل
    وتكون حكايه عن جند مصر
    طلع اللئيم وغد وحقير
    مَلُهْشي ماركه ومَلُهْشي دين
    جمّع جنود المجرمين
    علشان يبيدوا المظلومين
    يوم الاربعاء كان يوم أثيم
    هجم المغول على المسلمين
    برصاص جبان من خاينين
    رشاش معاه عار السنين
    قناص رصاصه ف الراس مكين
    وف قلب مسلم قطع الوتين

    دا السيسي قاتل لشعب مصر
    دم المصاب خلاه يسيل
    منع الأطبا منع السبيل
    خلاه يموت ويصير قتيل
    وإن شاف أخوه ينقذ عليل
    قنصو برميا من عميل
    دا السيسي خاين لشعب مصر

    وبمروحية التتار أضحت سيول
    والدّم يجري في المكان جري الوعول
    والجندي يهتف للوا صارت بحور
    نرجع يباشا ولا لسه فِهْ أمور
    قلّو لسه يعب شكور هات الموتور
    يكنس جثثهم والخيام ويّا المعون
    واقتلْ جريحهم بالرصاص خليه يغور
    ولّعْلِى يلّا في الخيام علشان تفور
    واحرق لي يلّا في الجثث واشهد لي زور
    إن القتيل ولع ف نفسوه بالباجور
    راحت خيامه ولّعت والنار تمور
    شبكت ف جاره واللي جاره صارت تدور
    حرقت مئات اتفحموا كانوا بدور
    كان ودّنا نِنْقِذْ ولادْنا من شرور
    صارت ريحتهم مبخره باغلى بخور

    وبصوت ضعيف نادى الشويش الحق يبيه
    هربت جثث متفحمتشي هنعمل إيه
    ضحك اللوا صكّ الشويش تسألني ليه
    دكتورنا جوا المشرحه تسلم إديه
    وصّلّوا دي في المصلحه وْسَلم عليه
    إن جاتكو جثه من المِدَان سرقت رصاص
    شايلاه ف راسها تنتحر زهقت خلاص
    ريّحها واكتب منتحر واطلب قصاص
    للدوله حقّ متنسهوش دكتورنا هاص
    قم يشويش بلغ سلامي للكبير
    قلّو اطمئن يسيسي بيه سرّك ف بير
    قلّو اطمئن دا دين عليّا ميتنساش
    بسّ افتكرنا بفيلا حلوا متنسناش
    والسيسي قاتل لشعب مصر

    دي مجزره فوق الخيال
    خمس تلاف من الجبال
    رجال نساء ويّا العيال
    هل هوّا جيشنا يا قاده ياعار
    أم جيش يهود مع الكفار
    لو اليهودي ف خسته كان استقال
    مَحَرَقْشي أبدا جثته على أيّ حال
    فعلا حكايه تتحكي من غير جدال
    عسكر بلدْنا بينضرب بيه المثال
    فيه الحقاره والنداله والهُزَال
    راجل علينا وللعدا ظلِّ وخيال
    فعلا خسيس يا بن ابراهيم
    هتعيش تعيس وتموت رجيم
    وبإذن ربي في الجحيم
    انت وسيسي وكل ضِيم
    ف المزبله لونْكُم قتيم
    إن لم تتوبوا ففي الحميم
    وانتم يَشُهَدا ففي النعيم
    بإذن مولانا الرحيم

    منقول
    بقلم الشاعر/ أحمد فؤاد بدر

  3. مدحت السباعى

    هذه القصيده لتمت بصله لأحمد فؤاد نجم..هذا ليس أسلوب كتابته.إلا إذا كان مصاباً بالزهيمر ونسى نظم الشعر.

  4. اسمعها منه لانى مش مصدق ……….

  5. هذا هو موقف نجم الحقيقي وبصوته:
    http://www.youtube.com/watch?v=4oc4EF9MxBc

  6. لا اظن ان القصيده لاحمد فؤاد نجم
    انظر الرابط ومواقف الشاعر:
    https://www.youtube.com/watch?v=n5jJPYTQ3EY